Tuis

Splinternuwe Bybelblokraai-kategorie geskep! Kliek op 'Teken In', en dan op 'Gratis Registrasie' (as jy dit nog nie gedoen het nie) om toegang te verkry tot 50 nuwe Bybelblokraaie. 

XWord is Suid-Afrika se toonaangewende verskaffer en versorger van 'n wye verskeidenheid woord- en nommerspeletjies wat in plaaslike koerante, tydskrifte en ander publikasies gepubliseer word. Ons beskik oor 'n onuitputlike voorraad blokraaisels, blokkiesraaisels, woordspeletjies, Sudoku's, Kakuro's en vrae vir vasvrawedstryde, en wanneer nodig, skep ons raaisels wat volgens bestelling of spesifieke behoeftes saamgestel word - alles in Afrikaans én Engels. 

En nou, vir die heel eerste keer, stel ons ook spotgoedkoop 'n magdom blok(kies)raaisels, woordspeletjies en Sudoku's vir aanlyngebruikers beskikbaar. Nou kan die gewone liefhebber van al hierdie soorte raaisels, beide in Suid-Afrika en in die buiteland, persoonlik toegang tot ons produkte kry. Sodra jy registreer, kry jy 'n klompie krediete gratis, waarmee jy 'n paar raaisels kan aflaai om uit te toets. Hierna kan jy ekstra krediete koop. Onthou dat jy ook ekstra gratis krediete kan verdien deur ander liefhebbers van blok(kies)raaisels na XWord te verwys.

 

Met die krediete wat aangekoop word, is 'n Sudoku se prys so min soos 10 sent, 'n gewone blokkiesraaisel sowat 50 sent, en groot blokraaie 'n skamele R1.50 elk.

XWord bied veral ook nou vir Suid-Afrikaners oorsee die geleentheid om na hartelus 'n verskeidenheid soorte AFRIKAANSE raaisels af te laai.  (Kliek op Raaisels om in te vul by die Keuselys vir meer inligting, of kliek op Registreer nou om raaisels af te laai).   

Die moontlikhede wat XWord se produkte bied, is beslis nie beperk tot tydskrifte en koerante nie, ons maakpas-produkte word saamgestel om aan elke kliënt en/of besigheid se unieke behoeftes te voldoen. Soos die man wat sy meisie om haar hand vra in 'n spesiaal-opgestelde blokraai, en dan 'n ander unieke blokkiesraaisel waarmee die bruilofgaste besig gehou word terwyl die fotograaf hom en sy bruid annekseer.

Of die kreatiewe gasvrou wat haar spyskaart in 'n blokkiesraaisel versteek en, terwyl sy die laaste afrondings in die kombuis aanbring, vul die gaste die raaisel in. Of wat van raaisels op jou restaurant se papier-plekmatjies  - 'n oulike manier om honger klante besig te hou.

XWord verskaf unieke raaisels vir enige geleentheid - van 'n enkele blokkiesraaisel tot boeke propvol prikkelende uitdagings. Ons stel ook promosionele raaisels saam om jou nuwe produk se bekendstelling opwindend en onvergeetlik te maak.

Of jy nou jou algemene kennis wil toets of 'n speletjie saam met vriende en familie wil speel, of sommer net wil ontspan en jouself geniet, XWord het net die blokraaisel of speletjie om jou vir ure te amuseer, maak nie saak waar in die wêreld jy jouself bevind nie.
Laai ons raaisels en speletjies op jou rekenaar of skootrekenaar. Waar ook al jy gaan, ons raaisels gaan saam met jou!

Blokaspaai iPad 'App' vir XWord blokraaisels
Verkies jy om ons blokraaie op jou iPad in te vul? Probeer bietjie die blokaspaai applikasie! Kliek hier… 

Copyright / Kopiereg © XWord 2012